Мысалы, Құрылыс ауылы бес жылдан бері ішімдіктен бас тартып, салауатты өмір салтының үлгісін көрсетіп келеді. Ауыл дүкендерінде алкоголь сатылмайды, тұрғындар ащы судан түбегейлі бас тартқан. Сол себепті құқық бұзушылықтар жоқ және көшеде мас адамдарды кездестіру мүмкін емес. Барлық тұрғындар тұрақты түрде жұмыс істейді.
Облыстың әр ауданында да салауатты өмір салтына бейім ауылдар бар: Қызылқоға ауданында – 17, Құрманғазы ауданында – 16, Исатай ауданында – 6, Индер ауданында – 4, Жылыой ауданында – 3, Махамбет ауданында – 7, Мақат ауданында – 1 ауыл тұрғындары ішімдік ішпейді.
Бұл тәжірибе қоғамдық тәртіпті сақтап, ауыл тұрғындарының денсаулығы мен әлеуметтік жағдайын жақсартуға бағытталған салауатты бастамалардың мысалы болып отыр.
