КЕНТАУ ҚАЛАЛЫҚ ЕМХАНАСЫНДА МЕДИЦИНАЛЫҚ ҚЫЗМЕТ САПАСЫН АРТТЫРУҒА БАҒЫТТАЛҒАН ЖОСПАРЛЫ АРАЛАУ ӨТТІ

Кезекті жоспарлы аралау барысында Кентау қалалық емханасының басшысы Сәкен Кенесбекович, басшының орынбасарлары және жауапты бөлім меңгерушілері медициналық ұйымның барлық негізгі бөлімшелерін аралап, қызмет көрсету үдерісімен танысты. Аталған жұмыс – емхана қызметінің тиімділігін бағалау, ішкі тәртіптің сақталуын бақылау және халыққа көрсетілетін медициналық көмектің сапасын одан әрі жақсарту бағытындағы маңызды шаралардың бірі.
Аралау барысында бөлімшелердің санитарлық жағдайына, медициналық құрал-жабдықтардың талапқа сай пайдаланылуына, жұмыс орындарының ұйымдастырылуына және пациенттерге жасалған жағдайларға ерекше назар аударылды. Сонымен қатар медицина қызметкерлерінің өз міндеттерін орындау барысы, медициналық көмекті ұйымдастыру сапасы және емдеу-диагностикалық үдерістердің талаптарға сәйкес жүргізілуі зерделенді.
Емхана басшылығы әр бөлімшенің жұмыс барысымен танысып, қызметкерлермен пікір алмасты. Медицина мамандарына күнделікті жұмыста кездесетін мәселелер, қызмет көрсету сапасын арттыру жолдары және пациенттермен тиімді қарым-қатынас орнату бағыттары бойынша тиісті ұсыныстар айтылды.
Жоспарлы аралау кезінде пациенттердің пікіріне де ерекше көңіл бөлінді. Емхана басшылығы азаматтармен жеке кездесіп, олардың медициналық қызмет алу барысындағы ұсыныстары мен өтініштерін тыңдады. Пациенттердің арыз-шағымдары мен ұсыныстары белгіленген тәртіппен тіркеліп, оларды шешу жолдары қарастырылды. Бұл жұмыстар тұрғындардың медициналық ұйымға деген сенімін арттыруға және көрсетілетін қызмет сапасын жақсартуға бағытталған.
Сонымен қатар пациенттердің жалпы жағдайы сұралып, оларға көрсетіліп жатқан ем-дом шараларының тиімділігі, дәрігерлер мен орта буын медицина қызметкерлерінің жұмысы бағаланды. Қажетті медициналық көмектің толық көлемде әрі уақытылы көрсетілуі бақылауға алынды.
Аралау барысында бөлімшелердің жұмысындағы өзекті мәселелер сараланып, оларды шешу бойынша жауапты мамандарға нақты тапсырмалар берілді. Әрбір бөлімшенің қызметін жетілдіру, медициналық көмектің қолжетімділігін арттыру, пациенттердің қауіпсіздігі мен жайлылығын қамтамасыз ету бағытында бірқатар міндеттер айқындалды.
Кентау қалалық емханасының басшылығы медициналық ұйым жұмысының сапасын тұрақты бақылауда ұстап келеді. Мұндай жоспарлы аралау жұмыстары тек бақылау мақсатында ғана емес, сонымен қатар ұжымның тиімді жұмыс істеуіне жағдай жасау, медициналық көмекті ұйымдастырудағы кемшіліктерді дер кезінде анықтау және оларды жою үшін жүргізіледі.
Бүгінде халыққа сапалы медициналық қызмет көрсету – денсаулық сақтау саласындағы негізгі басым бағыттардың бірі. Осыған байланысты Кентау қалалық емханасы тұрғындардың денсаулығын қорғау, медициналық көмектің сапасы мен қолжетімділігін арттыру және пациенттердің қажеттіліктерін ескеру бағытындағы жұмыстарды тұрақты түрде жалғастырып келеді.
Жоспарлы аралау қорытындысы бойынша анықталған мәселелер мен ұсыныстар алдағы жұмыстарды жетілдіру барысында ескеріліп, медициналық қызмет көрсету деңгейін одан әрі көтеруге бағытталатын болады.