Нақтырақ айтқанда, таңғы сағат 10:00-ге дейін 2 264 411 азамат сайлау бюллетенін алған. Бұл сайлаушылар тізіміне енгізілген азаматтардың 17,96 пайызына тең.
Өңірлер арасындағы ең жоғары белсенділік Қызылорда облысында тіркелді. Мұнда сайлаушылардың 22,91 пайызы дауыс берген. Одан кейін Қарағанды облысы – 21,06 пайыз, Жетісу облысы – 20,87 пайыз көрсеткішпен тұр.
Ақтөбе облысында сайлаушылардың 20,28 пайызы дауыс берсе, Түркістан облысы мен Шымкент қаласында бұл көрсеткіш 20,39 пайызды құрады.
Ал ең төменгі белсенділік Алматы қаласында тіркелді – 9,96 пайыз. Павлодар облысында 15,98 пайыз, Маңғыстау облысында 16,92 пайыз және Астана қаласында 17,01 пайыз сайлаушы дауыс берген.
Қалған өңірлердегі көрсеткіштер де әртүрлі. Абай облысында – 17,35 пайыз, Ақмола облысында – 18,91 пайыз, Алматы облысында – 17,19 пайыз, Атырау облысында – 18,75 пайыз, Батыс Қазақстан облысында – 17,97 пайыз, Жамбыл облысында – 18,25 пайыз дауыс берілді.
Қостанай облысында сайлаушылардың 17,92 пайызы, Солтүстік Қазақстан облысында 17,52 пайызы, Ұлытау облысында 19,41 пайызы, Шығыс Қазақстан облысында 19,93 пайызы дауыс берді.
Қазақстанда Құрылтай депутаттарының сайлауы бүгін, 23 тамызда өтіп жатыр. Бұл – жаңа заң шығарушы институттың алғашқы сайлауы. Сайлау нәтижесінде партиялық тізім бойынша бес жыл мерзімге 145 Құрылтай депутаты сайланады.
Дауыс беру ел аумағындағы сайлау учаскелерімен қатар, шетелдегі Қазақстанның дипломатиялық өкілдіктері жанындағы учаскелерде де ұйымдастырылған.
Орталық сайлау комиссиясы сайлаушылардың дауыс беруге қатысуы туралы келесі мәліметті сағат 12:00-де жариялайтынын хабарлады.
