Хабарлама түскеннен кейін мамандар Аташ жағалауы мен оған іргелес теңіз аумағын тексеріп, жағдайға бағалау жүргізді. Экологтар теңіз суынан сынама алып, төгілген дизель отынының қоршаған ортаға ықтимал әсерін анықтау жұмыстарын бастады.
Қазіргі уақытта аталған аумақта мониторинг жұмыстары жалғасып жатыр. Мамандар теңіздегі жағдайды бақылауда ұстап, ластану аумағын және оның қоршаған ортаға әсерін зерделеуде.
Дизель отынының теңізге төгілуі су экожүйесіне кері әсер етуі мүмкін. Сондықтан оқиғаның салдарын бағалау және ықтимал экологиялық зиянды анықтау үшін тиісті зерттеу жұмыстары жүргізілуде.
Осыған байланысты экологтар Каспий теңізінде жұмыс істейтін кеме экипаждары мен айлақ иелеріне қоршаған ортаны қорғау талаптарын қатаң сақтауды ескертті.
Мамандардың айтуынша, теңіз аумағындағы кез келген мұнай өнімдерінің төгілуіне жол бермеу және мұндай жағдайлар тіркелген кезде тиісті қызметтерге дереу хабарлау маңызды.
Қазіргі таңда Аташ жағалауы мен оған іргелес аумақтағы экологиялық жағдай бақылауда. Судың сынамалары зерттеліп, дизель отынының қоршаған ортаға келтірген ықтимал зияны анықталғаннан кейін тиісті шаралар қабылдануы мүмкін.
